創業元素（二 做喜歡的事）
我覺得“做自己喜歡做的事”是一個非常重要的創業元素．...
(閱讀全文)
星期五, 11月 02, 2007
星期四, 11月 01, 2007
邊個夠膽話毛澤東低B？
葉一知
呢排政界真係好戲連場，每個禮拜都有啲精彩嘅sound bites咬下，先一輪有煲呔話文革係極端民主，跟住又有李柱銘忽然漢奸，今個禮拜仲搞鬼，可能適逢萬聖節，連鬼都開聲，澳門永利賭場個老闆史提芬永利(Steve Wynn)是但噏，喺拉斯維加斯一個商務會議上話毛澤東正低B(imbecile)，發動文革，差啲毀滅咗成個國家喎！
痴線，呢啲咁嘅老外，喺度亂噏廿四，干預我哋中國嘅內鬥，即係干預埋中國嘅內政，係漢奸，係走狗。咩話？佢係鬼佬唔會係漢奸？而家漢奸嘅意義唔係已經等同「X街」咁可以用喺任何唔順超嘅人身上咩？唔係邊得香港突然咁多漢奸呀？
史提芬呢啲鬼佬，開賭場賺晒我哋自由行同胞啲錢就叻，講到邏輯同中史，真係行埋一邊啦。我就斗膽問史提芬一句，如果毛澤東係低B，咁跟隨佢嘅紅衛兵同一直捧佢為偶象嘅人係咩呀？低C定低D？捧一個低B嘅人做偶象，果啲人應該叫低乜？低Q？低能？定低Q能？咁文革過咗咁多年，又一早被中共否定為錯誤，到今日仲有班人喺維園大談毛澤東嘅偶象事蹟，講到手舞足蹈，跪地膜拜，又或者喺屋企掛幾個毛像，同觀音關帝並列，咁呢啲人咪屬於低能嘅最高級，即第九級低能，低九能(唔該唔好刻意讀錯)？
嗱，史提芬，呢啲低B形容詞係唔可以亂用嘅。你用咗係毛澤東身上，咁佢地嘅fans你用咩形容先？冇理由係同等低B架？唔通叫「低Ber」、「低Best」、「more 低B」或者「the most 低B」？
今次我真係要為老毛平反，痛擊說三道四嘅外國勢力。不如就今個星期日三點，維園集合，遊行過澳門永利，沿途高叫口號「毛澤東唔係低B嘅」。我哋要清清楚楚話俾史提芬知，歷史上造成人類大災難嘅禍首，冇一個係特殊學校出嚟嘅，低B嘅人不知幾善良，點會做出啲咁邪惡嘅事？我哋更要向親中愛國團體申請撥款，資助維園阿伯示威完去永利玩兩手，先叫港親國親不及毛主席親架嘛。 此文章由MemDB的聯播系統轉載
(278) 手製雪糕
家母日前買了雪糕, 因太懶冇到她那邊廚房取來吃, 今晚因她想吃, 便順道拿下來給我~~~
一見, 以為是haxxxxx 的雪糕, 但家中上下都唔太喜歡, 所以再留心看看, 原來是我之前未試過的(其實仍住屯門時好似有試過); 味道是藍苺味(家母近期愛上藍苺), 看看出品商..... HOKKAIDO..... 唔識, 冇印象, 但家母一向"咀刁", 不好吃的一定不選~~~ 所以便試試!!!
賣相簡單, 但有一份"實而不華"之感; 入口, 雪糕中的藍苺味很清, 不像是人工味道; 當中還有藍苺果粒, 味道不俗~~~~~
吃了兩口, 才真正的看看盒頂的標籤, 才發現雪糕是人手製作, 不像大廠的用機械生產~~~
所以再細看果肉粒與雪糕的比例, 看, 十分平均, 每一次下匙所得的果肉粒也差不多!!! 可見製作上有嚴謹的監控~~~
賣相不俗、味道吸引, 看來明日都要問問家母在哪買? 再去看看還有什麼其他味道~~~
賣相不奢華, 但看去已感到內裡非等閒~~~
Hand Made Ice Cream - 有種"必為上品"之感~~~
一粒粒的果肉鋪滿眼前, 每下一匙還可見均勻分佈的果肉粒, 真的吸引~~~
(下匙一次會是什麼樣??? 對不起, 因小弟只顧著吃, 忘了拍照..... >_<" )
訂閱：
留言 (Atom)