星期一, 12月 03, 2007
開心 x 4星期日, 12月 02, 2007
我有四票
犀利呢﹗﹖呵呵﹗本來大多數人都只有一票﹐最多也是兩票而已﹗而我就足有四次投票權。點解﹖嗱﹗計畀你哋睇喇﹗區選就人人都有一票﹐加上我係仙拿國民和港島居民。區選一票﹐仙拿天王天后各一票﹐因為唔係好多人係仙拿國民架﹗今日立會補選又一票﹐呢票重勁﹐哈哈﹗唔係人人都有權投票﹐一知就無投票權喇﹗嘿嘿﹗咁樣加埋咪四票囉﹗
廢噏完就噏正經啦﹗事實上我家真的是有四票架﹗最重要嘅係四票都投給四萬﹐希望這四票會幫到她入立會啦﹗話時話﹐我這票本來不打算給四萬的。而是給陪跑員﹐因為他們辛苦嘛﹗正所謂無功都有勞啦﹗應該畀啲鼓勵他們的。呵呵﹗我嘅目的唔係指望他們能贏﹐而係希望能替他/她拿回保證金咋﹗呵呵﹗但因為我怕掃帚頭會彈出﹐更怕23條再現江湖。
人丁單薄
今天是立法會補選日﹐我一大早便起床看新聞觀戰況和投票人數。發覺都不錯耶﹗十時左右已有四萬人投票。(後補︰截止15:06:34 已有十五萬啦﹗)以此推斷﹐總投票率最少應有50%﹐我估計最高60%吧。因為通常晚上較多人投票。所以以泛民和傳媒的說法~~投票率高﹐四萬才有機會會贏。
但觀乎助選團的氣勢就輸了九條街。就如泛民說︰十對一。我住的那條邨﹐街道上的狀況似是葉劉哂馬﹗不單人頭湧湧﹐還彩帶、彩旗處處。我早已發覺四萬助選團的宣傳拉票工作已很失敗啦﹗我除了收到她的郵寄單張外﹐從沒在街上接過一張四萬的宣傳單張﹖更沒看到助選人蹤影﹖民主派的動員力也太遜吧﹗內部也不能團結合作﹐怎能奢望市民支持﹖我想﹐投票給四萬的選民﹐大多數是衝著她本人而投的﹐若以黨派而言﹐嘿嘿﹗輸梗﹗本人那一票本來是預算投給其餘那六人中的一人﹐目的不是指望他們能贏﹐只希望能替他/她拿回保證金而已﹗呵呵﹗但最後我決定投給四萬；是因為不想23條贏。
訂閱：
文章 (Atom)