山東晨鳴紙業(1812)
早兩星期已經留意緊山東晨鳴紙業(1812), 原因係惠理由4月至8月多番增持, 由5.4-7.1 都有, 但因為無錢, 所以一直無買, 但呢兩日急升, 唔買可能冇得再買, 逼住沽出8271, 買入山東晨鳴紙業。
講講惠理, 謝清海的團隊真係好勁, 記憶中卓悅, 合富輝煌, 周生生, 華晨, 長城汽車等等等等, 惠理買入後, 都有一段可觀升幅, 惠理買入的股票, 都要留意呢!
講番山東晨鳴紙業, 要分析呢d 紙業股, 真係好困難, 影響的因素太多, 而且屬於週期股, 業績大上大落，行業好景時, 個個爭住增加產能, 跟住變成產能過多, 供過於求, 毛利下跌, 小廠執笠, 供應少左, 經濟回升時, 因為產能未恢復, 毛利又大幅上升。但如果捉到行業上升週期, 股價往往升幅以倍計。