阜豐集團(546)
前天中午公佈業績一出, 因為倒退25%, 股價就由3.45下跌至3.2, 但當大家再深入睇睇業績, 發覺阜豐下半年或明年的業績好大機會大翻生, 股價最後倒升7%, 以3.56收市.
阜豐今年半年業績大約賺每股0.11, 轉全年計賺0.22, 即約0.27港幣. 大約13倍pe, 看來不平. 但原來阜豐今年業績賺到0.11, 全靠黃原膠, 原本的主業味精, 完全賺唔到錢.
味精賺不到錢, 原因是阜豐近兩年發動價格戰. 由於內地味精產能過剩, 阜豐作為最大的味精生產商, 以發動價格戰淘汰小廠家. 06-08年都試過價格戰, 當年價格戰後, 味精價在09-10年升一倍, 阜豐股價由0.3左右升到8元.
但原來味精是低科技產業, 當價格上去後, 又有廠家進入, 令供應增加, 價格下跌. 阜豐在近兩年開始又再發動價格戰, 到今年上半年, 味精已經不賺錢, 2012年第四季跌到6515元/噸. 阜豐是最大規模廠家, 它放棄利潤不賺錢, 即其他廠亦不賺錢, 但股東就成為犧性品了.