全港裸照派對
葉一知
嘩，前日果篇惡搞實驗文章，兩日已錄得八千六百reads。根據我個counter，昨天的人數和前天差不多，只係少咗啲啲。而家係零晨三點幾，但已經有千幾人入過來呢個blog。好強呀。
你話寫乜鬼blog，左度右度都係得幾百reads，貼下相仔三日就過萬，如果每一click有一元我都幾禾味！八卦嘅力量真係好大，尤其喺呢個追求集體平庸嘅社會，如果今時今日你都未睇過任何一幅相，你話你幾out幾蝕底幾賤格，唔俾人笑到面腫咩？扮清高話唔睇呀，仲大罪，呢啲叫扮x晒嘢，假道德，懶清高，真硬膠！當人人變成犀牛，我仲未變，真係好難受(唔明咩犀牛自己買本港男筆記睇啦)。所以我幾大都要睇，邊位仁兄有齊閃卡，問吓你哋嘅良知，點解唔將呢啲相email晒俾我，搞到我冇得睇全套。午夜夢迴嘅時候，你問吓自己嘅良心過唔過意得去？