財演真係懶 !
今日睇新報一篇分析金界(3918)的文章, 發覺財演寫稿真係懶...
新報 http://www.hkdailynews.com.hk/finance.php?id=135341 , 其中一段如下:
「再睇番公司年報，發現收入只增長6.5%，但純利就增長82.7%咁勁，當中最主要原因係公司將業務重點轉咗去大眾市場。以往金界嘅收入主要靠賭團，即係由中間人帶一啲專登嚟賭錢嘅客人，中間人從中抽佣，所以毛利率較低。舊年，金界逐漸將重點轉移至大廳賭客人及博彩機（即係老虎機），而大廳收入增加84%，博彩機增加43%，但賭團收入減少40%，結果做成整體收入增幅少，但係純利就大幅上升。」
看完似曾相識, 原來自己寫過如下:
http://jimwong1120.mysinablog.com/index.php?op=ViewArticle&articleId=2528839
「睇番公司的年報, 收入只增長7%, 但純利就增長差不多一倍, 原因係公司將業務重點轉左去大眾市場。以往金界的收入主要靠賭團, 即係由中間人帶一d 專登黎賭錢的客人, 中間人重中抽佣, 因為要抽佣, 令到毛利較低, 而且受制於中間人。去年開始, 金界逐漸將重點轉為大廳客人及老虎機, 大廳收入增加84%, 老虎機增加43%, 但賭團收入減少40%, 做成整體收入增幅少, 純利就有幅上升。」
竟然有80% 一樣.... 佢地份工真係容易做