高速公路?錨~080716
搬咗一個月, 但少有的到港島影日落~ 回途中, 人已睡得......
但, 突然, 車停了在路中~
因帶住惺忪睡眼, 未知身處何方.....
放低耳筒, 聽到車長打電話回廠"問功課", 知道車的"死水燈"、"水滾燈"同"火燭燈"全都亮了~ 車子的蜂鳴器大響.....
車長從電話另一邊得到的指示是先要"死火", 再"截車"把所有乘客送到目的地~
車長可能比較有人生閱歷, 他不慌不忙的先安定大家的情緒; 雖然留在車箱是最安全, 但空調車子在"死火"下, 大家不消一會一定覺得悶不過氣, 所以車長便讓乘客下車~
他一邊著大家靠近路邊, 一邊勸阻想探頭到路上"八掛"的乘客行到路上, 還一邊等待、查看下班車~
雖然乘客衆多, 但車長可以順利的截了下班車, 好好的安排各人有秩序的上車, 還安頓未能上車的乘客在路邊等待! 讚!!! 
不過有d人就真係..... 有位人兄話自己買咗雪糕, 乜咁啱壞車, 係度埋怨..... 大佬呀, 人家想的嗎??? 又有一個, 自己"論盡"不斷跌野, 又手拉車唔聽使..... 竟然話車長停車太貼石屎欄河..... 喂, 你想尾隨d車收撞埋嚟咩..... 車長停得我覺得恰到好處!!!
上到車後, 才知道開頭以為已過了大欖隧道是錯的..... 原來只是剛過了汀九橋.....
哈哈~ 好少有的要企了近半小時.....
另一讚是第二架車個車長~ 平時大家都試得多車長們"香港腳發作,又唔用愛膚堅", 但今日個車長可以顧及路面情況, 提早收油, 架車好平滑咁慢慢停, 轉彎都係, 所以企都企得輕鬆, 唔使下下手有手拉, 腳有腳撐.....
(下車後,好多人都用手機/相機拍下難得的"在路途上", 我都唔執輸影番張~)