替死鬼新語
葉一知
中信泰富炒濃外匯，勁蝕155億元，股價跌超過一半。一眾以其隱陣的投資者，損手爛腳，可是高層諸多解釋，像沒事人一樣。
中信泰富有紅色背景，小股東應立即尋求親中政黨協助，像追討迷債般，向中信泰富討回公道，實行「以夷制夷」，呀唔係，大家都親中，啱傾啲嘛。
今天報道，太子女榮明方原來也是入得廚房，出得魚缸，拿起一個鑊鏟，協助集團炒成價值155億的「大濃燴」。有指中信泰富董事局以至榮智健可能包庇她，並找財務董事張立憲及財務總監周志賢做「替死鬼」，集團董事總經理范鴻齡就否認，並指：「替死鬼係指搵個低級代你，先至叫做『替死鬼』，張立憲係榮明方上司，佢又點會係替死鬼呢！」