新年快樂，情人節快樂
葉一知
恭喜發財。一年話咁易又過去，在此祝大家：新年快樂，一年比一年進步。
話時話，今日大年初一，又係西方情人節喎，也順祝各位情人節快樂。
看電視的宣傳片，竟然係財神邂逅愛神，真係睇到毛管直豎。兩種完全唔同嘅文化同價值，撈埋唔一定係更好嘅。財神只講金，愛情講心不講金，兩種野，邊談得到戀愛架？不過今人拜金，或者係食中條水都唔定。
情人節撞年初一，情人終可明正言順買年花送俾女朋友。
情人節撞年初一，一定係新年氣氛壓倒情人節，因為呢個世界，沒有情人和沒有愛情的情人(例如：夫婦)加埋一定多過愛火還熾熱燃燒的戀人。
情人節撞年初一，因浪漫搞出人命的機會大減，因為鄰居甚至自己屋企都貼了「出入平安」這個警告字眼。
情人節撞年初一，新戀人就最掃慶，不過拍了幾年拖的就最開心，終於可以skip一次商人節，不用年復年做同一套公式。
情人節撞年初一，男人開心過女人，不過最開心嘅都係還未有情人的男女。
咁你話，情人節其實幾無謂呢！
最後再祝大家：身體健康。沒有健康身體，甚麼都沒有價值啊。