星期五, 3月 12, 2010

十八年後新聞:阿嬌飯局 陳志雲大爆廉署飲齋啡

葉一知

 

都市日報搞了個"十八年後的都市日報", 看罷, 好搞鬼, 好多人的創意真係一流, 我覺得好玩, 又寫兩則去玩下, 也在此分享一下, 新鮮滾熱辣. 大家也可一齊玩, 不過投票期快過, 要玩就快.

 

阿嬌飯局  陳志雲大爆廉署飲齋啡

廿年前,阿嬌捲入淫照案,一度翻身無期,幸而當年無線電視總經理陳志雲賞識,邀請她擔任志雲飯局的嘉賓,以"好傻好天真"成功翻生. 世事難料, 兩年後即2010年,陳志雲因為懷疑貪污,被廉署邀請回總部做"志雲冰室".

 

今天阿嬌已由天真嬌成為獨當一面的主持人. 為回報陳總當年知遇之恩, 熱爆節目"阿嬌飯局"今集邀得陳總出山話當年.

陳志雲在節月中說: "我永遠記得2010年3月11日,當日廉署請我番去,廉署好好, 知我食齋,特登整杯齋啡俾我,但我只愛齋talk,唔愛齋啡,齋啡真係好苦."

"我同佢地講, 可唔可以放我出去做埋幾集志雲飯局. 廉署好開通,話可以邀請其他嘉賓來總部,隔住玻璃做節目.我好感激, 可惜冇一個嘉賓肯來."

據知阿嬌還問了佷多爆炸性問題.欲知詳情,請留意下星期一於晚間新聞頭十分鐘播出的阿嬌飯局.

 

 

基礎教育全數外判補習社   傳統學校完成歷史使命 

近十年香港家長愛把子女送往外地讀書, 入讀傳統學校的學生越來越少, 而且學生科科都要補習. 港府經過三年研究, 決定關閉所有中小學, 正式將基礎教育外判給補習社. 已有數十年歷史旳現代, 英皇和近年新堀起的未來教育和美帝教育, 對此表示歡迎. 美帝教育發言人接受訪問時表示: 港府應該在十五年前把教育外判給我們這些天王, 要知道傳統學校的老師這麼多行政工作, 又要管秩序操行, 又要應付學校的politics, 仲要應付政府朝令夕改的政策, 好似幾年前取消了的通識教育科, 你叫啲老師點教我地專注教學同搵錢咁有效吖.

老牌中學史sir表示: "而家啲學生只顧考試, 一切同考試無關的佢地都冇興趣, 我同佢地講人生道理, 家長就投訴我教課程範圍以外的東西, 浪費時間, 而家俾晒補習天王去貼題, 學考試技巧, 唔使再煩啲老師, 其實係好大的進步."

對此, 學生表示歡迎, 陳同學表示:"講咁詳細做乜啫?我都冇興趣知道點解,我只係要一個答案範圍俾我背就夠. 我拿唔到A但話俾阿媽聽我學到野, 佢打死我都似."

不過, 不是所有家長都贊同, 其中黃太說: "我想政府將教育全部外判晒去英美加囉, 留在香港讀書把鬼咩."

 

 

文章由MemDB聯播系統轉載, 原文請按此閱讀