我要發爛渣
老實對你說，香港已漸漸變成「發爛渣之都」，而香港人早晚會發覺「發爛渣」會為自己帶來無窮利益。正是：「只要發爛渣，著數一把抓」。
首先，要在香港發爛渣攞便宜其實非常簡單，不分階級，不分膚色、血色(聞說香港近日以自染藍血為時尚)，無須受過良好教育。不論你是形象健康的電台DJ，抑或金管局高層，最緊要夠狠夠狼夠面皮厚，見佛殺佛，見警刮警，見地勤羞辱地勤！
「歡迎乘搭變態航空.......」男地勤說。
「小！我要上機，快D開門。」發爛渣一號。
「先生，對唔住，你遲到喇，去吉隆波班機就快要起飛啦…….」
「P你個K，吉你個波，隆你個波！幾分鐘你地都唔等？」
「陳奕迅都有歌仔唱啦，天氣不似如期 但要走 總要飛 道別不可再等你 不管有沒有機。」
「收皮啦你，我要見你經理。」
「先生，請你唔好再講粗口，亦都唔好再推我，不過你唔洗驚，我地係唔會報警嘅。」
「小你！我明明見架機仲喺跑道上面，都未起飛！」
「對唔住，先生，最多我地俾你搭下一班機，可以upgrade你到商務客位。」
「………」發爛渣一號蘊釀下一輪發爛渣。
「咁啦，先生，我地upgrade你去頭等倉，再唔係就駕駛倉都得。」
「………」
「好啦，靜靜雞話你聽，我地仲會提供一個空中服務員貼身款待你，包括幫你揼骨出火。你知啦我地變態航空一向秉承乘顧客為先的宗旨，會盡量滿足顧客的需要，包括男人原始本能的需要。」
「………」發爛渣一號面露淫笑，向鏡頭做出勝利手勢。
沒錯，這個顧客至上的社會，只要你懂得發爛渣，你便有機會成為航空公司，甚至乎各大公司的貴賓。
下次在香港搭飛機，無須咁早出門了，記住要最後一分鐘才到候機室，這樣才可以舐盡著數。
誰說「守時是美德」？「守時是美德」，那是上一代的價值觀了，在這個以我為先的時代，守時是會蝕底的。
總之，發爛渣簡直就是我們的通行証、護身符、旅遊八達通。
記住，慳得一蚊慳一蚊，賺得一次得一次。大家要做一個精明的惡死消費者啊！