有壓力時發的夢
葉一知
閒來無事，又寫吓日記先。
昨天，睡得非常之差，雖然早咗瞓，又瞓得多，但醒咗都係好眼瞓。朋友見到我，竟然話我好似未瞓過咁。係，我成日都瞓唔著，我好羡慕果啲一撻落床唔夠三分鐘就瞓著嘅人，因為我一般要三個字先瞓著。但係昨晚超累，很早睡了，可惜睡得不好，成晚係咁發夢。
有啲人，發完夢，會記得好清楚，但我係果啲九成嘅夢都唔會記得嘅人，而我亦唔會強記。有說，發夢係整理記憶，將啲無謂嘢(例如呢篇文嘅內容)壓入潛意識到，所以我覺得要記住啲夢，好辛苦，我一向唔會刻意記番。但係有時，個夢發梗，突然被吵醒，那一刻就好辛苦，而且會記得個似斷未斷嘅夢，好似發夢係一個療程，仲差少少先完咁，完成唔到，就令我成日唔舒服。
昨日就係咁，發發吓夢，醒咗，搞到成日都好眼瞓。