霸王門火鍋七子
葉一知
正當大家爭相議論希嬌床上照真偽，不如談一單小新聞。星期日有一段頗堪玩味的小新聞。話說，七名來自浸會大學社會科學院的內地交流生，在浸大聯福樓享用每位七十元任食火鍋。火鍋七子吃罷頭輪配料，一心添食，再點第二輪。唔知係咪七子胃口過大，頭輪嘅配料已超出七十大元，搞到酒樓遲遲唔出菜。火鍋七子於是一個又一個閃人，最後無人埋單，大吃霸王餐。
酒樓經理見狀大驚，查問鄰桌學生，終找到七子之一的電話。未幾，一名從內地獲聘來港、相信是七子師父兼霸王門門主的浸大講師，聯同七子返回，與經理爭論。有目擊者稱：「該講師話啲食物同服務唔掂，拒絕畀錢，仲話內地嘅文化不嬲都係咁。」