年青，就是原罪
葉一知
副局長國籍問題未平，政治助理薪酬爭議又起。老實說，十三萬做助理，真係幾高㗎。但係我哋針對嘅，應該係個職級薪酬，而唔係個別人士，偏偏有啲人獨係針對廿八歲嘅陳智遠，令人睇唔過眼。我又唔係好明，果啲一畢業俾Google請咗嘅青年才俊，就俾人放上頭條，但係青年政治才俊，就俾人插到飛起。好似尋日生果報論壇版咁，有條自稱係陳智遠嘅LAW友同學「李律師」，寫了一篇「我的同學陳智遠」怒插舊同學，真係搞笑。由於李律師的觀點，代表很多香港「妒憤」人士的意見，所以很值得抽出來驗一驗屍，睇吓呢啲points講得有冇道理。
批評政治助理職級薪酬過高，當然冇問題，弊就弊在，呢個李律師成篇文都係揭人前事，以證「佢唔夠班，因為佢後生」。且看佢點寫：