馬鞍山UFO之謎
葉一知
今日睇生果, 睇到呢段新聞:
隔牆有耳：時運高 睇到UFO
噚晚凌晨去馬鞍山賞月可能經歷一個難忘中秋節。令到呢班月下之友開心又稱心，唔係一輪明月高高掛，而係一發光物體條條fing。現場直擊朋友大呼小叫，言之鑿鑿話係UFO天外來客與民同樂共慶中秋，好睇過康文署維園綵燈會咁話。
綵燈會同不明物體條條fing，邊樣好睇，見仁見智。不過有UFO驚現香江滿月夜，確係難得一見好節目。據現場消息人士同八方講，UFO出現於馬鞍山雅典居一帶上空，時間大約星期一凌晨一、兩點鐘。呢五顏六色，紅橙黃綠青藍紫，半空停留不動，只係小幅度咁郁郁，停留一、兩個鐘頭之後，就飄去烏溪沙方向，隱沒於星塵，好有天外來客feel。