蠢學生用蠢服務
葉一知
不得了不得了，竟然有補習天皇涉嫌喺英文卷一閱讀理解和卷二作文之間嘅四十五分鐘，提供「即時分析」，即係放料，每位收取五十大元。據報道，事件涉嫌有人將卷A的試題內容洩漏出去，然後補習天皇就用果一個鐘左右嘅時間，分析時題，提供貼士。
果然係蠢學生用蠢服務。服務點蠢？第一，唔使講啦，而家揚咗出嚟，全城聲討，個名即刻臭晒。係，有人會話，佢用後門攞貼士嘅服務，喺今時今日嘅香港，先至最殺食，但問題係，佢出嘅貼士係俾作文卷，可以有幾大幫助？就算出埋條作文題目俾你，你估啲學生可以喺半個鐘裏面操好英文去答題咩？呢種貼士根本係倒自己米。最蠢就係，收得果五十元一位，大佬，你哋補習天皇成千萬身家架喎，有幾千個傻仔用呢個服務，加埋都唔夠十萬，但係就整衰左個朵，成為全城追擊目標，冒咁大嘅風險，就等於揸住支AK47去打劫街口間士多，值咩？