愛國抽水護火大行動
葉一知
眼見聖火在各地搶火蒙難，香港「愛國」人士如喪考妣。其中，青年民建聯成員張思晉先生率先起義，眼見啲人為聖火潑水，佢決定出嚟為聖火抽晒啲水，在網上發起「聖火護衛團」，並以「有人搶聖火，為何我們不可護聖火」的趣論為口號號令天下。據報道，抽水護火團(即用人力抽乾火炬周邊的水，以護聖火)，已經有二百人加入。警方表示有能力保護聖火，不用市民自行組織，但張先生說：「早已預計警方會以人手充足為由阻止，但會繼續爭取。」即係明知冇結果，依然出來護火，愛國愛得赤裸裸，感動得令人流淚。
先唔好講呢啲網上活動，會唔會好似「反港女快閃黨」一樣，最後得一個人出席，只係講發起護聖火行動之前有冇用腦，就夠晒有趣。