東岳集團 (189) 十倍股
一直都想搵d 環保股買, 長楂的, 但係一係就貴, 一係就老千,但近日發現一隻冷門的股叫東岳集團(189), 呢間公司可能係未能十年的港股明星.
首先想講講的是, 呢間公司只係大約30億市值, 唔算係大公司, 又唔係國企，但係上年7月溫家寶、10月胡錦濤都先後到呢間公司參觀. 雖然我唔認為溫家寶同胡錦濤係特登要去參觀, 應該係佢地視察山東時, 省政府帶佢地去, 咁佢地咪去囉. 不過, 睇過一d 大陸的新聞, 知道東岳集團係山東省一家重點發展的企業, 唔單止係重點, 仲係最重點, 最一級的培養, 連省長都特登開會, 傾點樣搞到東岳集團成為世級頂級企業. 而東岳集團更係大陸"十一五國家發展計劃"的一部份. 係大陸的公司, 若果得到政府支持, 政策支持, 往往等於踢波踢多三個人,好鬼唔公平.