警方勤力抵讚，市民應多求助
葉一知
今日報載：街頭演藝竟遭票控，警稱接投訴，阻塞行人專區。
原來在行人專用區表現，覺得阻街，對自己帶來不便，便可打999，而且可以入罪。
這真是個好消息。
藝術團體當然唔係大晒，阻街就要告，總之以後我行經專用區，我會好好學習，好頻繁咁打九九九。因為我覺得不單藝術表演阻Q 住我，那些周圍做問卷、電訊公司PROMOTION、o靚模和龍友以及其他宣傳活動，無論是否引來大批人圍觀，都好阻住我，我脾氣唔係咁好，最憎人阻q住 我的去路。今日睇新聞先知原來可以打三條九報警求阻，而警方又咁得閒去票控，法庭都唔怕煩同唔怕使錢去審，咁仲等乜野？一於多啲報警，還我一條只有行人的 行人專用區啦。
警方勤力抵讚，我在此鼓勵各位，多點打三條九，見到乜野阻住自己令自己唔順眼，第一時間報警求助，唔好浪費咗啲警力，等佢哋無乜野做只行咇啊 。