信任，只可讓謊言成真
葉一知
相信很多人都看過《信任，讓夢想成真》這個很周星馳電影(前期)風格的廣告吧？
我有啲問題：
(1) 件衫係為我度身訂造，阿媽竟然秘秘密密咁做，唔話我知，到左畢業party果朝我走出來，你就隊件衫俾我，叫我試下，咁如果唔啱身，啲details位又唔啱，色水有問題，又甩線，又車短左，咁我係咪要硬食著住佢去畢業party架？點解成個過程，我冇得睇下版架？我冇得問下個progress架？我冇得修改我原初的設計架？阿媽做錯左啲點解我冇得指正佢架？點解呀？點解呀？
答：因為佢係你阿媽，你唔好咁x不孝問咁多野好唔好。
咁大家將件衫換成政改方案，你就知道咩事！到左死線果日，硬食啦各位，唔好要求咩透明度呀。
(2) 阿媽可以無條件為我完成好多野，我好感動，而家政府係無條件為我做野架咩？冇喺稅收到出糧咩？阿媽唔可以換，幾衰都唔可以。咁你覺得政府係咪阿媽？
(3) 信任不能讓夢想實現，這個已有很多很多人談論過，看不出其荒謬的人形同弱智。但有一點我好疑惑，點解造條裙會歸納為「夢想」？你問一個小學生，她有甚麼夢想，她不回答你做醫生、做律師、做飛機師、做太空人、做貪官等等，卻回答你：「我夢想係在畢業時穿一條很靚的裙子。」你還不快快送她去檢查，看看是不是上次發燒燒壞左腦嗎？沒錯，那是比喻，但看來連小學生都不會混淆夢想的偉大，將穿裙子比喻為民主普想的夢想，是不恰當的類比，政府人員真是智障嗎？但請大家別取笑政府，正所謂「有怎樣的人民，有怎樣的政府」(特指自由社會而言)，說不定香港人真的智障，這個廣告其實有很好的效果呢。
(4) 信任，不會讓夢想成真，但會讓謊言成真。寶藥黨騙你，跟你說：「信任我啦，信任我你發達的夢想就會成真架啦。」你不信，那麼其實你無法確實那是不是謊言(當然你可以推斷相信那是謊言，但相信和確認是不同的，不贅)，騙案也因你不信而沒有實行過，所以「他騙人」仍然流於推斷層面。但如果你信任了，嘿嘿，你便用親身經歷證實那是謊言，是騙案，謊言便成真了。
(5) 這不是叫大家永遠不去信任，但信任基於過往的德行，你還款紀錄不好，係唔會有人信任你借錢俾你的。眼前的一班官員和背後的中央政府，是寶藥黨還是好好先生，大家就憑過去十二年的經歷，自行判斷吧。
同場加映:
老師向唐英年投訴特首帶頭不投票是反面教材