北極有企鵝，冇乜特別
葉一知
近日，民建聯新貴、青年民建聯主席張國鈞在港台節目《左右紅藍綠》當中，聲言「北極人少企鵝多」，即指北極有企鵝，受到輿論揶揄，還以「民建聯成功爭取北極有企鵝」banner，取笑民建聯。
我覺得輿論太過份了。
套用該黨議員李慧琼回應二十萬人出席六四燭光晚會時的說話：我覺得冇乜特別。
二十年來從未有這麼多人出席六四悼念活動，民建聯議員仍然可以覺得「冇乜特別」，那麼北極有企鵝，南極有北極熊，大腦有糞便，肛門有腦汁，try my best to 搓your breast，旺角狂徒擲鏹水，諸如此類，試問又有乜特別呢？我覺得冇乜特別喎。
我才不像網民那樣犬儒，我覺得民建聯一眾冇乜特別的成員，是泰山崩於前而色不變，即使在北極見到熊貓，仍然鎮定如恆，感覺依舊冇乜特別，此乃大領袖、大政治家之風啊，我們不去多多學習，反而揶揄人家，實在反智。
嗱，正如民建聯個名，全名係咩？中文是「民主建港聯盟」，雖然今日少用，但英文還是Democratic Alliance for the Betterment of Hong Kong，才有簡稱DAB。好了，明明是反民主普選，這個黨卻有「民主」二字，不是跟「北極冇企鵝但民建聯眼中有企鵝」的原理如出一轍嗎？
既然如此，不如民建聯改用企鵝做黨徽(至少青年民建聯要帶頭改吧)，一於以企鵝制衡死敵民主黨的白鴿，甚至正名為Democratic Penguin for the Betterment of Hong Kong，「民主企鵝聯盟」，簡稱「民企聯」(DPB)或「企鵝黨」，正好跟白鴿黨分庭抗禮。反正很多黨員都像企鵝那麼可笑，唔係，可愛。
話時話，做乜港台在網上版刪咗果句話？係咪偏幫先？