要別人尊重,先要尊重人~
假如你公司接了一個工作, 需要你到別公司工作一段時間, 你, 應用什麼態度去工作呢?
在主顧客人的公司辦公室工作, 我想,
遵守人家的規定是應該的吧?
人家分配用具多少都應該尊重吧? (不足, 在用盡或阻礙到工作才作出要求吧?)
需要協助, 應先到相應的工作單位相討, 沒了才往上一級走吧?
人家借出位置、用具應在別人有需要時歸還吧?
近日, 因工作量大增, 我們的分判公司再派一位工作人員到我的辦公室協助, 但, 我對這人兄可謂"忍到極點"了~
來到後, 對任何人未作過任何自我介紹, 出入連一個點頭都沒有..... (我的同事非常平易近人, 沒有人種分歧, 見人都會say個hi);
沒理會工地的要求, 入職簡介會時說明必需要有四種個人保護裝備才可工作、實習, 但竟然沒穿安全鞋及帶備相應的工具便上實習課, 結果是"盲字都唔識多個"的工人都未有的不合格先例給破了.....
借用我們"老總"的枱面工作, 竟然亂動人家的電腦, 還自行在outlook上新增自己的私人帳戶, 完全沒理會人家的感受.....(幸好他的同事及時阻止, 否則我怕到時他會連老總的電腦也加了自己的密碼, 完全"私有化")
之前來的事比較有經驗, 但在詢問時態度不友善, 還一點學習的態度都沒見, 在自己坐著的情況下"呼叫""師姐", 要前輩企著回答問題.....
不尊重我公司的制度, 要求文具時因文員小姐剛好不在, 竟自行打開文具櫃自取; 要求電腦時竟不向IT部查詢, 自行向我的大老闆說:"無電腦用,做唔到野"..... 因自行取文具時"師姐"見狀便幫手打開文具櫃, 被路過的我罵了~ 因直向最高層要求電腦, IT部總管無故被罵.....
因午飯需提早預訂, 在預訂後因趕著上工地訓練課未有付款, 又下課後覺得時間不合自行離開, 所訂的午餐便因沒取消變成幫忙訂購的文員同事要先墊付, 但下一個工作天沒提起前一天的午餐問題, 實行了"不了了之"的不負責行當.....
一個這般沒教養的人, 到底從何方"學得"如此"高尚"情懆呢?
一個從香港最高學府取得雙學位的人, 為何這般沒教養呢?
本人一向對"最高學府"的畢業生都有偏見, 因為他們總看不起其他學校出身的人......
(接觸很多, 只得兩人可成友朋, 或許因他們都在"判頭"公司經歷了一番)
小弟雖學歷不佳, 但因多年在工地中不斷求問, 自問都有點心得, 偶爾地盤的註冊工程師都會因經驗的問題, 向小弟"不耻下問", 並言聽計從, 可見學歷不會令事情極化的~
但, 初出茅廬, 自以為有點學識, 便視人於無形, 真的想看看他朝會如何被打倒地上~
我今日做了一次好人, 沒玩弄這"小朋友".....
話說:
(寒暄幾句開場白)
他: 呢一份係QA的文件(手持我司文件,竟以教我的語氣說話).....
我: 係圖~ (我都懶得理會)
他: 唔係, 係.....
我: 唔係圖係咩呀? (明明係DRAWING LIST, 寫的不是圖是啥?)
他: 唔係, 呢個係咩? (指著其中一個記錄)
我: 係圖~
他: 唔係,.....
我: DRAWING LIST 上面唔係圖係咩呀?
他: 咁呢個係乜野? (仍指著那記錄)
我: 咪係圖囉(其實我知他想問圖中所述是什麼)
他: 咁係D咩圖? (因DRAWING TITLE只得一個牌子各加一個型號)
我: 一睇就知呢個係牌子同型號啦~ (我已經開始唔想講野)
他: 咁即係咩?
我: 圖就有4份, 一份係QA, 一份係你地, 一份係工程部, 係大師兄度, 一份係地盤~
他: 咁係D咩嚟呀?
我: 圖呢你地有一份, 我呢就唔睇呢D圖, 唔係我個PART的~ (刪了:你自己有圖唔該你自己睇咗先問啦)
他: 咁.................... 我去睇一睇啦........................
講真, 走來問我, 但自己一點預備都唔做....... 其實睇一睇, 花都係花30秒, 咁就不用麻煩人家用時間去處理你的問題啦~ 家下D年輕人真係......